Hallo Pologemeinschaft! 
Als neues Mitglied möchte ich mich erst einmal vorstellen. Ich bin 21 Jahre alt, Student und komme aus dem Zürcher Oberland. Ich freue mich auf ein gutes Miteinander und hoffe Antworten auf meine Fragen zu finden.
Ich bin in der Tuning-Scene noch unerfahren, habe jedoch schon einige Ideen zur Gestaltung meines Polos.
Da das Schweizerische Strassenverkehrsamt bekanntermassen eines der strengsten Zulassungsrichtlinien hat, würde ich gerne wissen, inwiefern das Modifizieren von Fahrzeugen erlaubt ist. Welche Vorschriften müssen beispielsweise eingehalten werden, um Tuning-Parts aus Deutschland eintragen zu können? Sind umfassende Regelwerke erhältlich?
Über Eure Hilfe würde ich mich freuen!
mit freundlichen Grüssen
SWISSliner
hey ciao.. wür mich mol bim "bommer" meldä.. er kännt sich recht guet us und chader wohl zu allem e chli öpis verzellä 
gruess us em zh unterland
Merci für dä Tipp! Das wirdi mache.
Gruess SWISSliner
bitte bitte, keis problem.. mir het er au scho andersch derb ghulfe guets glinge und wenn mol ziit hesch, chömer eus jederziit treffä..
Schweiz is Geil!
War dieses Jahr auf 3 treffen in der Schweiz,einfach geil da! freu mich schon auf nächstes Jahr.
Sorry wenn ich vom Thema abweiche 
Hier mein Schweizer Kolleg wo ich dieses Jahr da kennengelernt habe.
Vielleicht kennt ihr ihn auch?!
kenn mich in der szene leider noch gar nicht aus... bin erst kurze zeit unter euch tunern werd aber auf den strassen meine augen nach seinem polo offen halten
Liebe Polofreunde!
Ich wünsche Euch allen einen guten Start ins neue Jahr 2006! 
Grüsse
SWISSliner
Erstmal Willkommen bei Uns 
!
Viel Spass in polotreff.de!
greetz Flo
hoi!
chas der leider nöd per pm schicke
also da min sänf
hi!
umfassendes regelwerk gits leider nöd, weiss de geier werum die so zimperlich mit infos usserucket...
im normalfall findsch du aber uf jedem strasseverkehrsamt es papier mit dä sache wo mer ZWINGEND muesch la iträge.
zb Verspoilerige und bodykits muesch nöd la iträge. chasch drabaue was du willsch, solang dä prüefer es nöd schafft dir das teil abzriisse...
so dachflügel und jedlichi art o bügelbrätter hine, dörfsch nur mit spezielle plastikschruube befestige (+kläber). für dä polo gits wiiter nüt z beachte, bi andere autos dörf das teil eifach nöd d sicht geg hine behindere (völlig sinnlos, will e chlitransporter mit trännwand gseht ja garnöd hine usse, aber über über sinn und unsinn bi regelige muesch mit dene nöd wele disktiere)
im motorbereich ischs so: bis und mit 10% leischtigssteigerig muesch es nöd la iträge.
aber en offne sportluftfilter chunsch nöd itreit über (*) (obwohl jede porsche mitem standart lüter isch als en polo mit sportlufi...)
was EIGENTLICH müesstisch iträge wer chiptuning, sportnockewälle etc. (au wenns 10% nöd erreicht)guet, ich han die sache dine, und nöd itreit, will dä prüfer wird dir nöd din wage usserand schruube zum luege was jetz da dine isch...
ich wirde jetz wohl am prüefer müesse erkläre, werum min mit 55ps agschribne polo doch anderscht abzieht wie sini artgenosse.. 
mal luege wassi dene verzapfe.
(*) das erlaubt und nöd erlaubt isch jetzt so: WENN du es DTC guetachte chasch vorlege, dass das teil wo du willsch verbaue für dis auto bedenkelos chan verwendet werde, denn chasch ALLES a dim auto ändere. Sooo... so nes beschissnes guetachte, chunsch zwar für villi tuningartikel scho für 40.- über aber die richtig geile sache, wie laderumbaute, div. sustigi motorumbaue, koschtet denn schnell mal über 10'000.- (!) franke. ABER: falls irgend eine i dä schwiiz genau dä gliich polo het wie du, und dä het genau dä umbau gmacht, wo du gern würsch wele mache, de chasch du de ganz lieb fräge und villicht e chischte rote anestlle, demit er dir sis DTC guetachte git. das längt scho zum iträge.
da ich mit em gedanke spille mal en andere motor (inkl. turbo) z verbaue, wird ich das mal genauer abkläre, was genau fü chöschte mit dem dumme guetachte verbunde sind.
du gsehsch, id dä schwiiz isch das garnöd eifach z säge was erlaubt isch und was nöd!
am beschte seisch mir mal was du gern würsch wele mache, de chani dir mal säge obs gaht oder nöd.
ich han jetzt au par sache dra, ohni irägig, will ich finde, wenns i ganz europa erlaubt isch, nur da nöd, de chas nöd so schlimm so sii wämmers dra het....
und die alt bekannti regel beseit ja: mer dörf alles, nur sich nöd verwütsche la
vorsicht: will ohni iträgig dini betriebserlaubins fürs auto erlischt, chas bime umfall sehr nachteilig sii für dich, will d versicherig überhaupt nüt zahlt! natürlich wird si binere nöd itreite vollchromantenne weniger motze als binere bremsalag wo so nöd für dis auto zueglah isch
Hallo bommer!
Merci, für Dini Usfüärigä! Du schiinsch würkli äs grosses Wüssä ufem Gebiet z'ha!
Also, wiä gseht das zum Biischpiil us mit Schiiwerfer? Mir gfalled di noiä Sonar mit dä integriertä Blinker no rächt guet. Bi dä Rücklüchtä würdi gern diä orange Blinker rot lasierä. Han leider scho oft g'hört, dass das verbottä isch. S'gseht aber eifach schön us und im Prinzip wird d'Lüchtchraft dadurch nöd igschränkt. Und wänn das nöd gaht, chani dänn problemlos uf d'Rücklüchtä vom 6N2 uswiichä? Dörf mer d'Vordersitz uswächsle durch biischpiilswiis d'Recaros vom Golf VI? Was ich au no gern wür wüssä, isch, uf was mer achte mues, bi dä Felgä, enere Schpuurverbreiterig und em Tüüferlegä... was isch da erlaubt?
Mues ehrlicherwiis säge, dases mit Sicherheit no einiges duure wird, bis ich mini Ideä umsetzä chan. Das Jahr hani mitem Studium agfange und das nimmt momentan relativ vill Ziit in Aspruch.
Ich danke Dir für Dini Informatione und würd gern au schpöter uf Dich zrugg cho, wänn ich wiiteri Frage han... sofern das okey isch?
Gruess SWISSliner
also 6n2 lüchtä chasch ohni problem aneschmeisse, diä sind bi mir au dra... tüüfer legä muesch dfedere eifach unbedingt i de schwiiz chaufe, zum STVA seckle, iträge lah (dörfid glaubs nöd tüfer als 4 cm sii --> am beste uf bommers antwort warte).. spurverbreiterig isch heikel, bommer wird dir e super gschicht chöne verzellä 
.. recaro sitz söttid eigentli keis problem sii, felge au eifach i de schwiiz chaufe und iträge lah!
gruess
Ok, das sind so sache, wo du mittels E prüefzeiche dörfsch drabaue, ohni dass du muesch go zeige
Also schiiwerfer sind erlaubt, solangs es E zeiche druf händ. Rücklichter lasiere isch verbote, ich wür original schwarze oder rote vom 6N2 neh, da hesch denn kei problem.
Das mit dä sitz müesstisch fröge das weissi jetz so nöd. die Sitz sind ja im prinzip nöd für de polo baut worde, drum wür ich da mal am stva alüte und fröge. ich nimme mal a, es isch aber egal.
felge wür ich nur i dä schwiiz chaufe, will du de gtad au es entsprechends guetachte dezue bechunsch. det chasch du drufpacke was du willsch, sofern folgendi kriterie erfüllt sind:
-guetachte isch da
-im montierte zuestand lueget d' LAUFFLÄCHI von Pneu nöd über d kotflüglkante usse
- und wenns auto ifederet,,zb bi de testbodewele denn dörf nüt schliife.
spurverbreiterig isch erlaubt, geltet die gliiche kriterie wie obe.
ohni tüferlege isch das alles webiger es problem, aber mit tüferelge muesch so sehr ufpasse, wills de schnell e mal schliifet.
tüferlegge chasch mit fahrwerk oder nur mit federe. erlaubt sind 40/40 tüferlegige mit entsprechendem guetachte. du chasch dis zügs scho im dütsche poschte, muesch eifach luege dass es CH guetachte dezue chasch uftribe bi ois
du chasch scho au tüfer abe, zb mitme gwindfahrwerk, will du denn es spezie guetachte bechunsch, aber du muesch es mit dere tüfi go zeige und nachande nüm andere....(pünklt jetzt mal sälber düte )
au da isch s K.O. kriterium schliife und ufsetzte.
wend a dä uni züri bisch, de chömer ois au mal über mittag oder so träffe, de chani dir au nö par sache verzelle
Merci vill Mal für d'Antwortä!
Ich bin a dä Uni in St.Gallä und wohnä drum under dä Wuchä au det. Es isch also leider nöd möglich. Ich find s'Agebot aber würkli mega nett! Mer chan sich sicher au emal i dä Semeschterferiä träffe?!
Mir sind jetz grad no zwei Frage igfallä:
- Isch es erlaubt diä gsammti Armature-Belüüchtig (inklusive Tachometer) durch diäjenigi vom 6N GTi Special Edition z'ersetzä?
- Dörf mer d'Lüftigsrähme am Armaturebrätt 'verchrome', oder chönti das wäge Bländgfahr verbottä si?
Merci
Gruess SWISSliner
chasch beides machä.. no prob... es dörf eifach im inneruum nöd zfäscht lüchte (hell sii).. also zb. belüchtete schaltknauf isch verbote, aber bommer wiä au ich hend beidi eine dinä.. motto wider: eifach nöd verwütsche lah!
greez
verbote au: neonröhre im fuessruum.. chasch aber zb mit em türkontakt parallelschalte denn isch iO
*offtopic an*
lol was geht denn hier ab sau lustig ihr leute
*offtopic aus*
so gehts mir au grad ! aber ich find die spräche eigentlich geil aber lesen is scha heavy
*nochmalofftopican*
Ich will auch so schreiben und sprechen können ....einiges versteh ich ja...aba bei manchem muss ich echt lachen 
...sind voll die zungenbrecher bei *hihi*
*offtopicnommaaus*
hehe... 
müsst nicht alles verstehen
Also, im Prinzip gsehn ich ebä s'Problem hauptsächlich bim Tachometer. Wänn ich eine vomene 6N GTi chönnt chaufe, dänn hät de ja en anderi Skala als de, woni jetz han. Passe würs sehr wahrschindli scho, aber ich frög mich, öb mer s'Mässgret nöd mues agliichä, das ufem Tachometer nöd öpis falsches azeigt wird?!
@ Sipper: witzigi Antwort 
, han rächt müesä giggele
ganz recht wenn du nen GTI tacho einbaust dann geht der ja bis 220 und hat auch nen höheren drehzahlbereich...
des würd mich jetzt auch interressieren.....weil der bekommt ja ein elektronisches tachosignal....zeigt der dann noch richtig an oder gibts des selbe problem wie wenn man andere tachoscheiben einbaut ? 
